Nos Rolandus Palatinus et Comes Posoniensis omnibus presencium noticiam habituris duximus significandum, quod cum litis questio mota fuisset coram nobis super facto decimarum inter Ecclesiam Sancti Martini de Pannonia ex vna parte, et inter Ecclesiam Beati Petri de Buda ex altera, et ipsam litem ad examen duelli iudicassemus, et tandem requisito domino Rege ipsum duellum fuisset reuocatum, postmodum se mediantibus probis viris pacifice ordinare. Cuius composicionis formam dominus Abbas Sancti Martini, Ambrosius Lector, Petrus Decanus et magister Sixtus, Canonici Ecclesie Budensis coram nobis in hunc modum recitarunt: Quod vinitores Ecclesie Budensis in toto Comitatu Symigiensi constituti de singulis mansionibus pro decimis singulas binas caponas persoluent, et de propriis cellarijs Budensis Ecclesie decimas legitimas et consuetas; libere autem condicionis homines soluere debent decimas suas in prediis ipsius Ecclesie Budensis locati secundum consuetudinem Regni approbatam. Vt autem composicionis series salua semper et inconcussa permaneat, et in temporibus successiuis per neminem possit in irritum reuocari, in testimonium et confirmacionem eiusdem facti litteras nostras presentes ad peticionem vtriusque partis 259sigilli nostri munimine roboratas duximus concedendas. Datum in Vaska feria quinta post Dominicam Letare anno Domini millesimo ducentesimo quiuquagesimo quinto.

(Eredetie a sz. mártoni főapátság levéltárában.)