Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentes litteras inspecturis salutem in omnium saluatore. Justis petencium desiderijs animum inclinare Regium, decens est et consentaneum racioni; presertim quum petencium vota pietas adiuuvat et iusticia non relinquit. Proinde ad vniuersorum noticiam tenore presencium volumus peruenire, quod nobiles viri Nicolaus filius Theodori et Magister Duruzlaus filius Duruzlai de Comitatu Castri Ferrei ad nostram accedentes presenciam exhibuerunt nobis priuilegiates litteras Serenissimi Principis domini Bele quondam Regis Vngarie, patris nostri, petentes a nobis cum instancia, vt ipsas litteras nostris priuilegialibus litteris ratificare, roborare seu confirmare dignaremur. Quarum quidem litterarum tenor talis est:

Bela D. gr. Hungarie stb. Rex. stb. (következik IV. Béla királynak 1250-ki adománylevele, mint gyűjteményünk II. kötetében 215. sz. a.).

Nos igitur, qui ex suscepti regiminis officio metiri debemus merita singulorum, et vnicuique pro meritis respondere, interne concideracionis oculis trutinantes, et in memoriam reuocantes, iustas et deuotas ipsorum nobilium peticiones admittentes, ratificantes approbando litteras ipsius patris nostri priuilegiales de verbo ad verbum inseri prescntibus nostris litteris facientes cofirmamus; ita quod presens nostra confirmacio prioris collacionis perpetuum sit munimen. Vt igitur huius donacionis et confirmacionis series irretractabilis perpetuo persaueret presentes concessimus litteras dupplicis sigilli nostri munimine roboratas. Datum per manus Magistri Benedicti Orodiensis Prepositi, aule nostre Vice-Cancellarij, dilecti et fidelis nostri anno Domini M°CC°LXX° (secundo) tercio idus Maji Regni autem nostri anno secundo.

(Hiteles másolat a magyar tud. akadémia kézirattárában.)