Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus tam presentibus quam futuris presens scriptum inspecturis salutem in omnium saluatore. Licet Regia pietas manum debeat porrigere vniuersis munificam; illos tamen, quorum experta probitas laudata est in prosperis et aduersis, prosequi debet munificencia largiori, vt alij eorum exemplis inuitati ad fidelitatis opera facilius accendantur. Proinde ad vniuersorum noticiam tenore presencium volumus peruenire, quod Magister Nicolaus filius Stepck fidelis noster ad nostram accedens presenciam exhibuit nobis patentes litteras nostras super donacione terre Chrmona vocate in Lypto existentis confectas, petens a nobis cum iustancia, vt easdem litteras ratas habere et acceptas, nostroque priuilegio de benignitate Regia confirmare dignaremur. Quarum quidem patencium litterarum nostrarum tenor talis est:
Nos Andreas D. gr. Hungarie stb. Rex stb. (következik III. Endre királynak 1293-ki adománylevele, mint fentebb 73. sz. a.)
Nos itaque consideratis fidelitatibus et meritorijs obsequijs ipsius Nicolai, que nobis in diuersis expedicionibus Regni nostri, tam generalibus quam eciam particularibus, studuit exibere vt fideliter sic deuote, et maxime tunc dum contra dominum Albertum tunc Ducem Austrie et Styrie, capitalem inimicum Regni nostri, nunc vero Regem Romanorum Semper Augustum patrem nostrum predilectum, ad conterendam contumaciam et maliciam eiusdem exercitum mouissemus generalem, et Regnum ipsius adissemus, predictus Nicolaus in expugnacione castrorum Teutonicorum contra partem aduersam viriliter dimicans tanquam leo fortis per lancee 369fortunam mortis periculum vix euasit. Ceterum cum contra Lorandum Wajuodam et fratres suos, filios Thome, pro quibusdam suis excessibus manifestis exercitum mouissemus generalem, et castrum ipsorum Adorian vocatum expugnari fecissemus, in expugnacione ipius castri Nicolaus prefatus lethalia wlnera in suo pede per itcum balistaris sagitte nobis cernentibus supportauit. Ad hec cum contra filios Henrici Bani infideles nostros et Regni nostri exercitum duxissemus, et castrum Simegiense, quod contra nostram detinebant Maiestatem, fecissemus preliari, in expreliacione ipsius castri sepe dictus Nicolaus cum alijs fidelibus nostris, demonstrans sue fidelitatis virtutem, nobis videntibus et Baronibus nostris ac nobilibus Regni vniuersis, qui tunc presentes aderant, in suis membris per graues ictus lapideos lethalia wlnera tollerauit. Pro tot et tantis meritorijs seruicijs et obsequijs manifestis Nicolai supradicti, ac effusione sui sanguinis, licet ex Regali munificencia in amplioribus et maioribus donacionibus remunerandus extitisset; tamen in aliqualem recompensacionem seruiciorum suorum premissorum, predictam terram Chrmone nuncupatam cum omnibus vtilitatibus suis et pertinencijs eiusdem universis, sub eidem metis et terminis ac limitacionibus antiquis, quibus per priores possessores limitata fuerat et possessa, Nicolao sepe dicto et per eum suis heredibus heredumque suorum successoribus dedimus, donauimus et contulimus iuge perpetuo et irreuocabiliter possidendam pariter et tenendam; predictas patentes litteras non abrasas, non cancellatas, nec in aliqua sui parte viciatas de verbo ad verbum presentibus inseri facientes. In cuius rei memoriam dupplicis sigilli nostri munimine roboratas presentes concessimus litteras. Datum per manus discreti viri Stephani Archidiaconi Ecclesie Albensis Transsiluane aule nostre Vice-Cancellarij dilecti et fidelis nostri anno Domini M° trecentesimo, Regni nostri anno decimo.
(Az Okolicsányi család levéltárából, közölte néhai Szontagh Daniel.)