Notum sit omnibus tam modernis quam futuris hominibus, quipresencia scripta viderint, audierint vel legerint. Quia nutu Dei Rege Belatercio Regnum Ungarie feliciter et pacifice gubernante, Farcasio PalatinoComite mediante pro loquutore vel executore negocii presentis existente. EgoCaba eidem Regi inclinavi, ut quoniam expers heredis eram, totam possessionemmeam tam in agris per iugera centum, quam in uineis duabus; mancipiis etpeccoribus Deo et monasterio Sancti Martini in Monte Pannonie manciparem; itaduntaxat, ut quoad uiuerem cum coniuge mea possiderem; post obitum meum siEdlelmes coniux mea superuiueret, et ipsa similiter possideret terram subprotectione Sancti Martini, et Abbatis, et fratrum euisdem monasterii. Talevotum et oblacionem meam Rex et omnes Principes qui aderant approbarunt, et utperhenniter raatum esset, Rege iubente per manum Pauli Prepositi et euisdemRegalis Notarii presenti scripto confirmatum est et sigillo Regali roboratum.Quando Rex ista fieri precepit, in die dominico in domo Scene Comitis subquadam querci sedebat, et Comites isti cum eo: Dionisius Comes Baaciensis,Gallus Comes Albensis Ultrasiluanus, Thomas Comes Clusiensis, Zemere Comes diSimtei, Pancracius Comes Temissiensis, Antonius Comes Novi Castri, ScubanusComes Strigoniensis, Thomas Comas filius Samsonis, Cornelius Comes Geuriensis,Thomas Filius Zah, et alii quam plures ministeriales Regis vicinioreset remoti, quos omnes nomitatim dinumerare vel describere longum est.

(Az eredetiután. Czech).