Gregorius Episcopus seruus seruorum Dei venerabili fratri... Episcopo Geuriensi, et dilectis filiis... Abbati de Bokon Cisterciensis Ordinis et... Preposito - - Vesprimiensis et Cenadiensis Diocesium salutem et Apostolicam benedictionem. Significantibus dilectis filijs... Abbate et Conuentu Monasterii Sancti Martini de Pannonia nobis innotuit, quod cum Fabianum militem Strigoniensis Diocesis super eo, quod ecclesiam Sancti Spiritus, terras, prata, molendina, nemora, seruos, palatia et alias res ipsorum contra iustitiam detinebat, post uarias commisssiones ad iudices diuersos a Sede Apostolica impetratas, primo coram dilecto filio E(gidio) Subdiacono et Capellano nostro tunc in Vngaria existente, postmodum coram venerabili fratre nostro... Prenestino - - - Legato auctoritate nostra conuenissent - - idem miles in ipsius Episcopi presentia recognoscens ad Monasterium pertinere predicta, prestito iuramento promisit ea Monasterio predicto restituere, ac nullatenus molestare illud de cetero super ipsis, lata - - - de uoluntate sua ped dictum Episcopum excommunicationis sententia, si contra presumeret attemptare, et tandem promissa restitutione - - - et sententia ipsa contemptis eos super hijs fortius solito molestaret, capiendo monachos et conuersos uulnerando seruos - - - domos quorundam suorum hominum incendio deuastando. Venerabilis frater noster... Nitriensis Episcopus eiusque college, ad quem super obseruatione sententie ipsius nostras litteras impetrarunt, iam dictam excommunicationis sententiam mandauerunt usque satisfactionem seruari condignam, et eum excommunicatum publice nuntiari, et arctius euitari. Verum venerabilis frater noster... Colocensis Archiepiscopus non solum non uitauit eundem in locutione, ac mensa et officiis sibi communicando - - verum - predictam ecclesiam ad desiderium illius totus accedens, eiectis 31inde monachis et conuersis per uiolentiam spoliauit, prouentus eius in usus proprios conuertendo. Quia uero nobis non constitit de premissis, discretioni uestre per Apostolica scripta mandamus, quatinus euocatis qui fuerint euocandi, et auditis - - propositis, quod iustum fuerit, appellatione postposita statuatis, facientes quod iustum fuerit, appellatione postposita statuatis, facientes quod decreueritis auctoritate nostra firmiter obseruari. Quod si non omnes hijs exequendis potueritis interesse, duo uestrum ea nichilominus exequantur. Datum Viterbij XV. kal. Decembris. Pontificatus nostri anno nono.

(Eredetie a szent-mártoni főapátság levéltárában.)