Gregorius Episcopus etc. venerabilibus fratribus Episcopis et aliis Ecclesiarum Prelatis, et dilectis filiis clericis provincie Strigoniensis, salutem etc. Ad obedientiam et reverantiam debitam vestris superioribus exhibendam devotionem vestram Apostolicis litteris tanto sollicitius invitamus, quanto fortius ad is teneri vos novimus nobis etiam tacentibus per vos ipsos. Hinc est, quod universitatem vestram monendam duximus attente et hortandam mandantes, quatenus venerabilem fratrem nostrum Strigoniensem Archiepiscopum, cum ad vos causa visitationis accesserit, benigne recipere ac honeste tractare curetis, in hiis que ad correctionem pertinent, officii sui debitum exercere ipsum libere permittentes: alioquin sententiam, quam idem rite tulerit in ribelles, ratam habebimus etc. Datum ut supra. (1235. november 20-ka.)

(IX. Gergely pápa Regestáiból, Theiner id. m. I. köt. 140. l.)