Gregorius Episcopus etc. dilectis filiis... Abbati et Conventui Monasterii Sancti Salvatoris de Copornuch Ordinis Sancti Benedicti, Vesprimiensis Diocesis, salutem etc. Ea que iudicio vel concordia etc. Exhibita siquidem nobis vestra petitio continebat, quod cum in causa, que inter vos ex parte una, et venerabilem fratrem nostrum.... Episcopum Vesprimiensem ex alia super eo videlicet, quod dictus Episcopus iuribus episcopalibus in vestro monasterio non contentus, illud multipliciter aggravabat, accedendo scilicet illuc quotienscunque volebat in anno visitationis vel alia de causa, et morando ibidem in ipsius monasterii sumptibus cum personarum et evectionum multitudine effreneta; item quod extorquebat a vobis occasione visitationis equum et alia munera pro sue libito voluntatis, ac quibusdam aliis articulis vertebatur, dilectum filium nostrum S. Sancte Marie in Transtiberim Presbiterum Cardinalem tibi, fili Abbas, tam tuo, quam vestro, filii Conventus, nomine, ac Sebastiano Canonico Vesprimiensi procuratori dicti Episcopi apud Sedem Apostolicam constitutis concesserimus auditorem, tandem eodem Cardinale mediante amicabilis inter partes compositio interveni, prout in ipsius confectis super hoc litteris plenius continetur, quam Apostolico petivistis munimine roborari. Nos igitur vestris iustis postulationibus grato concurrentes assensu, compositionem ipsam ratam habentes et firmam, illam auctoritate Apostolica confirmamus, et presentis scripti patrocinio communimus. Nulli ergo etc. nostre confimationis etc. Si quis autem etc. Datum Laterani XV. kal. Junii, Pontificatus nostri anno duodecimo.

(IX. Gergely pápa Regestáiból, Theiner id. m. I. k. 163. l.)