Gregorius Episcopus seruus seruorum Dei dilectis filiis ... de Bochon Cisterciensis Ordinis et... de Tuchon Abbatibus et... Priori de Bochon Vesprimiensis Diocesis salutem et Apostolicam benedictionem. Exposuerunt nobis dilecti filii... Abbas et Conuentus Sancti Martini de Pannonia Ordinis Sancti Benedicti, quod cum inter ipsos ex parte una et sacerdetes Comitatus Simigiensis, Vesprimiensis Diocesis, ex altera coram venerabili fratre nostro... Prenestino Episcopo tunc in partibus illis Apostolice Sedis Legato Super quibusdam decimis questio uerteretur, mediante tandem ipso Episcopo amicabilis inter eos compositio interuenit, ad quam obseruandam dicti sacerdotes se iuramenti uinculo astrinxerunt. Sed iidem contra iuramentum prestitum temere uenientes 103compositionem ipsam obseruare recusant. Quocirca discretioni uestre per Apostolica scripta mandamus, quatinus, si est ita, dictos sacerdotes, ut compositionem eandem sicut sine prauitate prouide facta est et ab utraque parte sponte recepta, ac in ipsius Episcopi litteris dicitur plenius contineri, sicut tenentur obseruent, monitione premissa per censuram ecclesiasticam appellatione remota cogatis. Quodsi non omnes hijs exequendis potueritis interesse, duo uestrum ea nichilominus exequantur. Datum Laterani XII. kal. Martii. Pontificatus nostri anno tertiodecimo.

(Eredetie a szent-mártoni főapátság levéltárában.)