Gregorius Episcopus etc. carissimo in Christo filio... Illustri Regi Ungarie salutem etc. Super bases aureas, ad locum sanctificationis ornandum, animalium tria genera, cherubin scilicet, leonis et bovis, ac eneum mare desuper sapientia Salamonis extruxit, hoc in Ecclesia secutura domonstrans, ut in exordium caritatis exurgens, amaris conspersa fluctibus et turbinibus agitata, de prelatis et subditis, ac principibus orbis presidium dextere sublevantis expectet. Cum igitur mater Ecclesia inter turbines seculi gravibus occupata negotiis, Reges terre, Ecclesie prelatos et subditos, ac alios mundi Principes decreverit advocare, ut eorum varietate vestita et munita consiliis, gravia, que successerunt negotia, valeant felicius expediri; te, fili karissime, quem ipsa de regenerationis gratia reddit filium et sinceritatis prerogativa dilectum, de fratrum nostrorum consilio ad hoc fiducialiter invitamus, Serenitatem tuam rogantes et monentes attente, quatenus usque ad proximum festum Resurrectionis Dominice ad nos fideles et providos nuncios tua Celsitudo transmittat, qui super expediendis causis universalis Ecclesie utile nobis consilium vice Regia largiantur, ut habeat in te Christiana religio devotionis solite filium et promptum profectus ecclesiastici zelatorem tuis utilitatibus retributionem debitam impensura. Datum apud 106Criptamferratam V. Idus Augusti. (Pontificatus nostri) anno XIIII.

In e. o. colomano Regi Duci Sclavonie.

(IX. Gergely pápa Regestáiból Theiner id. m. I. k. 179. l. V. ö. IX. Gergely pápa két más bulláját Fejérnél, Cod. Dipl. IV. köt l. r. 184. és 204. ll.)