Gregorius Episcopus etc. dilectis filiis... Zagrabiensi et... de Chasma Zagrabiensis Diocesis Prioribus et... Superiori Zagrabiensi ordinis fratrum Predicatorum salutem etc. Cum sicut ex tenore litterarum karissimi in Christo filii nostri B. Regis Ungarie non sine multa lacrimarum effusione didicimus, gentes Tartarorum, qui non noverunt Deum, Regno Ungarie pro parte, sicut permisit dominus, occupato, non solum Regni predicti residuum perdere cupiunt, sed etiam totam Christianorum terram desertam ponere moliuntur, necnon doloribus dictorum Regis et Regni eo magis nos condolere conveniat, quo idem Rex et progenitores sui promptiones in exequendis Divine voluntatis beneplacitis et ferventiores in Ecclesie devotione omni tempore fuisse noscuntur, mandamus, quatenus ipsum Regem et familiam suam non permittentes ab aliquibus molestari, molestatores et eos quos terras eiusdem Regis post invasionem huiusmodi ossupassa, vel occupare in posterum inveneritis, ut ipsas predicto Regi restituant, monentes precipiendo per censuram ecclesiasticam appellatione remota cogatis. Quod si non omnes etc. Datum Laterani XVI. kal. Julii, Pontificatus nostri anno XV.

(IX. Gergely pápa Regestáiból Theiner id. m. I. k. 184. l.)