S(ibotho) Dei gracia Augustensis Ecclesie Episcopus dilectis in Christo fratribus minoribus in sua Dyocesi constitutis salutem in Domino. Dum a venerabili patre sancte Moguntine sedis Archiepiscopo receperimus iam in mandatis, ut faceremus predicare crucem in tota Dyocesi nostra contra nefandos Tartaros, infensissimos hostes et impios persecutores fidei Christiane, qui destructa Polonia et terra Cracovie, devastata miserabiliter Hungaria, jamjam Regis Boemie et Ducis Austrie fines inuaserunt, ita ut totius Alemannie destruccionem verosimiliter, ni pessima Deus avertat, poterimus formidare. Idcirco urgenter uobis injungimus in remissionem peccatorum, ut crucem secundum forman consuetam cum indulgencia nobis a predicto Archiepiscopo tradita per totam nostram Dyocesim predicetis, inducendo fortiter ad crucesignandum omnes Christi fideles, pro defensione fidei et patrie nostre salute. Datum Auguste in palatio nostro anno Domini MCCXLI pridie kalendas Julii.

(Hormayr után, Goldene Chronik von Hohenschwangau. II. oszt. 71. l. 12. sz. a. Czech.)