Bela Dei gracia Vngarie, Dalmacie, Croacie, Rame, Servie, Ballicie, Lodomerie Comanieque Rex vniuersis Christi fidelibus presentem paginam inspecturis salutem in Domino. Quamquam Regalis Sublimitas omnibus se requirentibus provisionis munera liberaliter debeat elargiri, multo magis his tenetur, qui mundo mortui vivunt Deo, vt quod tribuit in presenti, cum multiplicato fructu recolligere debeat in futurum. Hac igitur consideracione inducti omnibus tam presentibus quam futuris tenore presencium volumus fieri manifestum, quod nos terras Kezteleu et Suk ad Castrum nostrum Nitriense, et terram Zela ad Castrum Zulgageuriense pertinentes, cum omnibus suis attinenciis, auibus eas castra habuerant memorata, sub eisdem metis et terminis, fratribus de domo Theutonica Hospitalis Sancte Marie et ipsorum domui, quos ob familiaritatem et servicium devotum nobis et Corone Regie multipliciter impensorum recommendatos habuimus in visceribus caritatis, in perpetuam elemosynam duximus conferendas, ita quod populi illuc congregati seu congregandi ea in omnibus gaudeant libertate, quam habent hospites domus Templi et Hospitalis Sancti Johannis in regno nostro constituti; exprimi volentes, quod eosdem qopulos nullus judicum preter Regiam personam vel preter illum, cui Regalis Excellencia specialiter commiserit, judicare presumat, sed omnes causas eorum villicus eorum discutiat. Qui si justiciam non fecerit, ipse cillicus, vel eciam, prout necesse fuerit, aliqui ex villa per pristaldum habentem literas nostras causas citacionis et citandorum nomina continentes sub testimonio ydone et legitime, ad nostram citentur presenciam. Ceterum firmiter inhibemus, quod nullus Baronum nostrorum super populos ad predictas terras convenientes descensus audeat facere violentos; sed cum ipsos illuc divertere contigerit, justo ipsis pretio omnia comparentur. Ad hec concessimus 153eis, quod decimas suas tempore messis in agris relinquere debeant more Saxonum aliorum. Insuper predictis fratribus et domui ipsorum contulimus unum mansum in villa Stumey cum suis pertinencijs pro descensu et cum vineis Alexandri Comitis, quas habebat in Stumey, de quibus chibriones nobis debitor eis indulsimus ne persoluant. Vt autem hec nostra donacio non possit per quempiam processu temporis tetractari, in huius rei perpetuam firmitatem presentes concessimus literas duplicis sigilli nostri munimine roboratas. Datum per manus magistri Benedicti Albensis Prepositi aule nostre Cancellarii anno Dominice Incarnacionis M°CC°XLIIII° sexto nonas May, Regni autem nostri anno decimo.

(Dreger F. után, Codex Pomeraniae diplomaticus, Berlin 1768. I. k. XLXII. sz. a. 248. l. Czech.)