Bela Dei gracia Hungarie, Dalmacie, Chroacie, Rame, Servie, Gallicie, Lodomerie, Cumanieque Rex omnibus Christi fidelibus presentes litteras inspecturis salutem in omnium Salvatore. Ad vniuersorum presentium posterorumque noticiam harum serie volumus peruenire, quod nos dilecto nobis et fideli Nicolao, filio Detrici, quandam terram castri nostri de Hunth, que Gromoth uulgo nuncupatur, a castro prememorata penitus exemptam, in permutacionem prediorum suorum, Noue Ville scilicet et Polugia, in Lyptov existencium, que ad nos recipimus, perpetuo duximus conferendam, ab ipso et suis heredibus, sub eisdem metis quibus dictum castrum retinuit, pacifice possidendam. In cuius terre corporalem possessionem, prefatum Nicolaum, per venerabilem virum Albertum Prepositum de Jaszov auctoritate Regia fecimus introduci. Vt autem hec permutacionis ordinacio per nos facta, perpetuo perseueret, nec umquam processu temporis ualeat in irritum reuocari, presens scriptum concessimus, duplicis sigilli nostri munimine roboratum. Datum in Zolum sub castro Polona anno Domini M°CC°XL°VI° tertio Idus Septembris. Regni autem nostri anno XI°.

Jegyzet. Eredetie iróhártyára van írva, töredezett kettős viaszpecséte az alul fölhajtott hártyáról vörös és fehér selyemről függ, és ugy látszik hasonló ahhoz, mely Pray (Syntagma de Sigillis. Tab. V. fig. 2.) munkájában látható. Nova villa a fönnebb olvasható II. Endre 1233. oklevelében Oyufoluu (Újfalu) néven hivatik. Zólyomban most is van Polona nevű hegy, de várának már semmi nyoma.

(A kékkői levéltárban: AL. n. 4. Érdy.)