Bela Dei gracia Vngarie, Dalmacie, Croacie, Rame, Seruie, Gallicie, Lodomerie, Cumanieque Rex universis Christi fidelibus salutem in eo, qui est salus omnium et vita. Effectum iusta postulantibus indulgere, tam vigor equitatis, quam ordo exigit rationis, presertim cum petencium vota et pietas adiuvat, et iusticia non relinquit. Hinc est, quod ad universorum tam presencium, quam futurorum noticiam harum tenore volumus pervenire, quod Jacobus filius Ombud cum fratribus suis, Bensa filius Pauli cum fratribus suis, et filii Zobozlou, Ambrosius cum fratribus suis, coram nobis constituti dixerunt, quod quandam terram eorum hereditariam ad quatuor aratra sufficientem, que Cazmer appellatur, quam quidam 192Fetend vocant, que est iuxta terram Isac Comitis, que dicitur Mihal, intra Rabam existentem, communi consciencia et consensu vendidissent dilecto et fideli nostro Isac Comiti viginti marcis, quas in terminis sibi assignatis plene persoluit, tali tamen condicione inserta, ut si terram eandem successu temporum vellet aliquis repetere, ipsi iidem predicti liberare tenentur. Petierunt itaque a nobis viri antedicti et fidelis noster Isac Comes humiliter et instanter, ut terram emptam nostra dignaremur auctoritate Regia confirmare. Nos igitur iustis peticionibus ipsorum annuentes empcionem prefatam tanquam juste et legitime factam duximus confirmandam. Et ne processu temprum ab aliquo possit aliquatenus in irritum revocari, sed semper salva et inconcussa permaneat: in perennem huius rei memoriam presentes concessimus litteras duplicis sigilli nostri munimine perpetuo roborantes. Datum in Zoulum per manus magistri Benedicti Praepositi Albensis Aulae nostrae Cancellarii anno gratiae M°CC°XL°VII° Idus Julii Regni autem nostri anno quinto (decimo).

(Az eredeti után. Czech.)