Nos Rolandus Palatinus et Comes Posoniensis omnibus presentes litteras inspecturis duximus significandum, quod cum Nicolaus de Leeg, Obes de Pothun, Beta de Fell, Michael de Pothun, Poba de alia villa Pothun, Teg et Heten de Pothun, Chat de Paka, Ereos de Ethe, Mekse de Tejed, Mora de Lucha, Puthus de Gala et Petrus de Zerva centuriones (u)duornicorum in Chollokuz Ivalmum, Eliam et Chena filios Michaelis de Nadast accusassent in nostra presencia, fuisse semper et esse debere uduornicos pariter cum aliis, postmodum inquisita veritate a Paka Comite uduornicorum de Cholokuz et a centurionibus nominatis constitit nobis, ipsos non fuisse uduornicos, sed esse de liberis eorundem pariter cum terra sua, qua utebantur ab antiquo. Quare ne libertas eorum celari possit, nec per falsidicos apprimantur, de cetero eosdem in sua libertate, qua fungebantur, stare permisimus, et ad memoriam rei ampliorem presentes sigillo nostro munitas concessimus. Datum in villa Oltva in Dominica ante festum Sancti Nicolai proxima, anno Dominice Incarnacionis millesimo ducentesimo quinquagesimo.

(Bartal György után, Csallóköz történeti vázlata, Pest 160., 33. l.)