Bela Dei gratia Hungarie, Dalmacie, Choroacie, Rame, Servie, Gallicie, Lodomerie, Comanieque Rex omnibus Christi fidelibus presentes litteras inspecturis salutem in omnium salvatore. Quoniam pro lapsu temporum rei geste veritas deuenire consueuit in dubium, diligens humane prouidencie studiositas inoleuit, vt ea, que geruntur, litterarum testimonio roborentur. Proinde ad vniuersorum tam presencium quam posterorum noticiam peruenire volumus presencium per tenorem, quod Leustachius cum filio suo Andrea et fratre suo Yezdres, Mycov filius Tyburcy cum filiis - - Petro et Matheo, jobagiones castri Huntensis de Abay in nostra pesencia constituti quandam terram suam hereditariam nomine Aba in Comitatu Huntensi existentem cum omnibus vtilitatibus et pertinenciis suis vendiderunt dilecto et fideli nostro Mycov Comiti de Zolum et suis successoribus pro triginta marcis argenti vna minus, iure pleno perpetuo possidendam, et ipsam summam pecunie ab eodem Mycov Comite plenarie receperunt coram nobis renunciantes excepcioni non numerate pecunie. In cuius rei testimonium eidem Mycov Comiti presentes dedimus litteras duplicis sigilli nostri munimine roboratas. Datum anno Dominice Incarnacionis millesimo ducentesimo quinquagesimo secundo, VII° kalendas May, anno autem Regni nostri decimo octauo. (?).

Jegyzet. Eredetie bőrhártya, melynek alól fölhajtott hasadékaiból vörös és sárga fodrott selyemről függő pecséte hasonló ahhoz, mely Práy (De Sigillis, Tab. V. fig. 2.) munkájában látható, csakhogy szélei eltöredeztek.

(A kékkői levéltárban: A. L. n. 7. Érdy.)