Innocentius Episcopus seruus seruorum Dei dilectis filiis... Priori et... Subpriori Sancti Martini de Pannonia Jauriensis Diocesis et magistro Bartholomeo de Campania Canonico Waciensi salutem et Apostolicam benedictionem. Cum venerabili fratri nostro magistro P. de Sancto Helia Episcopo Aquinatensi per nostras litteras duxerimus indulgendum, vt annuum redditum sex marcarum argenti, in quo ante suam - - - venerabilis frater noster... Episcopus Jauriensis tenebatur eidem, integre percipere valeat, quousque possessionem - - Aquinat - adipiscatur pacificam, et prouentus percipiat ex eadem; predicto Jauriensi Episcopo nostris damus litteris in mandatis, ut redditum ipsum iuxta nostre concessionis tenorem eidem Episcopo Aquinatensi vel ipsius - - - - sine difficultate et qualibet diminutione persoluat, et de subtractis integram satisfactionem impendat. Ideoque discretioni vestre per Apostolica scripta mandamus, quatenus, si dictus Jauriensis Episcopus super hoc mandatum nostrum neglexerit adimplere, vos eum monitione premissa auctoritate nostra appellatione remota cogatis. Quodsi non omnes hiis exequendis potueritis interesse, duo vestrum ea nihilominus exequantur. Datum Perusii IIII. nonas Septembris Pontificatus nostri anno decimo.

(Eredetie a szent-mártoni főapátság levéltárában.)