Innocentius Episcopus etc. venerabili fratri... Episcopo Jauriensi salutem etc. De singulorum provisione solliciti circa illos curam debemus impendere specialem, qui et propriis meritis et devotorum Ecclesie precibus adiuvantur. Hinc est, quod nos dilectum filium magistrum Gerardum Canonicum Strigoniensem, consobrinum dilecti filii magistri Alberti notarii nostri et venerabilis frastris nostri... Episcopi Prenestini Capellani, bonis ornatum moribus et peritum scientia litterarum, favore specialis gracie, qua suis exigentibus meritis dignus noscitur, prosequentes mandamus, quatenus eidem magistro G. in aliqua Ecclesiarum Regni Hungarie cathedrali, vel alia, de dignitate vel personatu cum prebenda seu benficio, ad cuiuscumque collitionem pertineat, etiamsi curam habeat animarum, prout idem duxerit acceptandum, si vacat ad presens, vel quam primum ad id obtulerit se facultas, procures anctoritate nostra per te vel alium providere, faciens exnunc ipsum in Ecclesia, in qua sibi provideri, acceptaverit, si Cathedralis vel alias collegiata fuerit, in canonicum recipi et in fratrem, ac devotioni tue reservans huiusmodi dignitatem vel personatum cum prebenda seu beneficium eidem magistro per te vel alium, cui super hoc vices tuas commiseris, conferendam. Non obstante statuto de certo canonicorum numero, iuramento vel confirmatione Sedis Apostolice, aut quacunque firmitate alias roborato, aut si direxerimus in eadem ecclesia scripta nostre specialiter, vel in illis partibus generaliter pro aliis, quibus per hoc non possit preiudicium generari, vel quod idem alias beneficiatus existit, curam obtinens animarum, aut si aliquibus dignitatibus vel personatibus, collegiis aut locis, vel aliis quibuscunque sub quavis forma vel conceptione verborum a Sede sit indultum eadem, quod excommunicari, suspendi seu interdici, vel ad 235receptionem seu provisionem cuiusquam compelli, seu extra suam Diocesim vel ultra certum locum ad iudicium evocari non possint per litteras dicte Sedis, non facientes plenam vel expressam de verbo ad verbum de indulgentia huiusmodi sive personarum, dignitatum numero vel receptorum nominibus mentionem, aut si locorum Diocesani ex Apostolica indulgentia super provisionibus, quas in eorum civitatibus vel receptorum nominibus mentionem, aut si locorum Diocesani ex Apostolica indulgentia super provisionibus, quas in eourm civitatibus vel Diocesibus mandamus fieri, executores esse debeant, vel non possit eis invitis ibidem alicui per nostras litteras provideri, seu qualibet indulgentia dicte Sedis, per quam effectus nostre gratie in hac parte impediri valeat vel differri, seu constitutione de duabus dietis edita in concilio generali. Contradictores etc. Nos enim decernimus irritum et inane, si quid contra tuam provisionem vel reservationem aut inhibitionem si quam duxeris premittendam, nostra vel quavis auctoritate a quoquam fuerit in eiusdem magistri preiudicium attemptatum. Datum Perusii XI. kal. Februarii (Pontificatus nostri) anno decimo.

(IV. Incze pápa Regestáiból Theiner id. m. I. köt. 216. l.)