Innocentius Episcopus etc. dilectis fratribus Antonio et Dionisio procuratoribus dilectorum filiorum... Thichoniensis,... de Feldvar,... de Dumbo,... et Modocha et... Sancti Martini de Pannonia Wesprimiensis, Quinqueecclesiensis, Colocensis, Jauriensis Diocesium, et aliorum Monasteriorum, Abbatum et Conuentuum de Ungaria Ordinis Sancti Benedicti salutem etc. Cum sicut in nostra proposuistis presentia constituti, pro expediendis negoatiis dilectorum filiorum... Thiconiensis, ... de Feldwar, ... de Dumbo,... de Modocha, ... Sancti Martini de Pannonia et aliorum Monasteriorum, Abbatum et Conventuum de Ungaria Ordinis Sancti Benediti, vos subire oporteat onera expensarum, ne pro earum defectu illa inexpedita remanere contingat, vobis contrahendi mutuum propter hoc usque ad summan centum et quinquaginta marcarum argenti ad pondus Ungarie, et obligandi creditoribus bona dictorum Monasteriorum et Conventuum et uniuscuiusque in solidum, ac renunciandi constitutioni de duabus dietis edite in Concilio generali, et bone restitutionis in integrum, nec non et conventioni iudicum, si ipsorum creditorum nomine Apostolicas litteras cuiuscunque tenoris in posterum impetrari contigerit, auctoritate presentium concedimus facultatem: ita quod predicti Abbates et Conventus et eorum successores teneantur, expensas et interesse, si in termino constituto pecuniam non solverent memoratam, super quibus simplici verbo illorum vel eorum alicuius, qui dictam pecuniam mutuaverint, sine alia probatione, sublata ipsis creditoribus necessitate probandi, quod pecunia eadem sit conversa in utilitatem dictorum Monasteriorum et Conventuum, pretextu alicuius constitutionis canonice vel civilis, privilegii etiam vel indulgentie, de quibus in nostris litteris 242oporteat fieri mentionem, et per que iidem Abbates et Conventus, ac successores eorum valeant se tueri. Datum Asisii II. nonas Septembris (Pontificatus nostri) anno X.

(IV. Incze pápa Regestáiból, Theiner id. m. I. k. 224. l.)