Innocentius Episcopus etc. etc. venerabilibus fratribus Archiepiscopis, et Episcopis ad dilectis filiis Abbatibus, Prioribus, Archidiaconis, Decanis et aliis Prelatis, Capitulis et Conventibus Ecclesiarum, ad quos littere iste pervenerint, salutem etc. Cum dilectum filium B. Electum Neapolitanum, Capellanum nostrum, quem nos et fratres nostri propter sue merita probitatis carum habemus plurimum et acceptum, pro sedanda discordia, que inter carissimos... Ungarie et... Boemie Reges Illustres suborta dinoscitur, ad partes illas, commisso sibi legationis officio, destinemus, Universitatem vestram rogamus, monemus et hortamur attente, mandantes, quatenus eundem electum, cum ad vos accesserit, Apostolice Sedis et nostra reverentia recipientes ac honorifice pertactantes, ei ac familie sue de necessariis et securo conducto liberaliter providere curetis; ita quod ipse cum ad nos redierit, grata de vobis referre veleat, nosque devotionem vestram proinde dignis in Domino laudibus commendemus: alioquin sententiam etc. usque observari. Datum Laterani VIII. Idus Aprilis, (Pontificatus nostri) anno undecimo.

(IV. Incze pápa Regestáiból Theiner id. m. I. k. l.)