Nos frater J(acobus) Divina misericordia Magister Hospitalis Domus Sancti Stephani Regis de Strigonio et Conuentus eiusdem significamus omnibus Christi fidelibus tam presentibus, quam futuris noticiam presencium habituris, quod vineam Alberti sitam in Kirua iuxta vineam Marcelli Comitis, que iure nos contingit, quam Chechy libertino Ecclesie nostre commiseramus propter multiplicem infidelitatem ipsius ab eodem auferendo, pari uoluntate ac communi consilio commisimus, dedimus, contulimus et confirmauimus Symeoni fideli seruienti nostro pro stipendio sui fidelis seruicij nobis exibiti (így) duorum annorum, propter exigenciam aliarum rerum nostre Ecclesie usque in filios filiorum perpetuo possidendam. Ne ergo talis commissio imposterum per quempiam fratrum seu nostrorum successorum aliquatenus possit in irritum revocari, presentes concessimus litteras sigilli nostri munimine roboratas. Anno Dominice Incarnacionis M°CC°L° quinto.

Jegyzet. Kis hártyaszeleten apró szép irással. A pecséttöredék veressárga selymen függ.

(Pozsonkáptalani országos levéltár Capsa XIV. fasc. 17. Nro. Knauz.)