Alexander Episcopus servus servorum Dei dilecto filio... Abbati Monasterii Sancti Martini ad Romanam Ecclesiem nulla medio pertinentis Ordinis Sancti Benedicti Jaurinensis Diocesis salutem et Apostolicam benedictionem. Exhibita nobis tua petitio commendat, quod nonnuli Monasterii tui monachi et conuersi pro violenta iniectione manuum in se ipsos, et quidam pro detentione proprii, alii etiam pro denegata tibi et predecessoribus tuis obedientia seu conspirationis offensam (így) in excommunicationis laquem inciderint, quorum monachorum quidam Diuina celebrant officia et receprunt ordines sic ligati; quare super his eorum prouidere 273saluti a nobis humiliter postulasti. De tua itaque circumspectione plenam in Domino fiduciam obtinentes presentium tibi auctoritate concedimus, ut eosdem excommunicatos, hac vice iniungens eis, quod de iure fuerit iniungendum, prouiso, ut manuum iniector - - gociorum fuerit grauis et enormis, mittas ad Sedem Apostolicam absoluendos; cum illis autem, qui absolutionis beneficio non obtento facti immemores vel iuris ignari receperunt ordines vel Diuina officia celebrant, iniuncta eis pro modo culpe penitentia competenti, eaque peracta, liceat tibi de misericiordia, que super exaltat, tuo iudicio, prout corum saluti expedire videris, dispensare. Si vero prefati excommunicati non tantum in contemptum clauium scienter talia presumpserunt, eis per biennium ab ordinum executione suspensis et imposita eisdem penitentia salutari eos postmodum, si fuerint bone conuersationis et vite, ad gratiam dispensationis admittas; proprium autem, si quid habent dicti monachi et conuersi, facias in tuis manibus resignari in utilitatem ipsius monasterii conuertendum. Datum Anagnie VI. Idus Octobris Pontificatus nostri anno secundo.

(Eredetie a szent-mártoni főapátság levéltárában.)