Alexander Episcopus etc. nobili viro Dionisio patrono Ecclesie Sancte Elisabeth de villa Polosan (?) Strigoniensis Diocesis salutem etc. Arbitrantes dignum, quod speciali Sedis Apostolice gracia fovearis, pios tue mentis affectus, quod per effectum operis probatur in multis, et aure benigna suscipimus, et favore benivolo promovemus. Sane petitionis tue seriem audivimus continentem, quod ecclesiam in villa Polosan ad honorem Beate Elisabeth de bonis propriis contruxisti pariter et dotasti. Nos itaque volentes, quod affectum 274graciose benivolentie apud Sedem Apostolicam gaudeas invenisse, tuis et venerabilis fratris nostri... Episcopi Prenestini, cuius nepos existis, supplicationibus inclinati, ecclesiam ipsam a iure Archidiaconi loci, quod valentiam unius marche argenti annis singulis, ut asseritur, non excedit, quodque sibi ratione visitationis sive cathedratici debeatur in ea, auctoritate presentium perpetuo duximus eximendam, Diocesani Episcopi iure salvo Nulli etc. nostre exemptionis etc. Datum Laterani III. Kal. Aprilis (Pontificatus nostri) anni secundo.

(IV. Sándor pápa Regestáiból Theiner id. m. I. k. 235. l.)