Nos CapitulumVesprimiensis Ecclesie damus pro memoria, quod cum tercia die post festum Omnium Sanctorum Benedictus Prepositus Ecclesie de Wrs et Magister Lodomerius Cantor Ecclesie nostre, Demetrius sacerdos de Wrs, Beniamin sacerdos de Faiz, Matthias filius Gervasii, Iacobus de Wrs, Petrus filius Christophori, Chernel de Belige et Chelleus de Syka secundum sentenciam domini nostri (Zlandi) Episcopi contra Petrum filium Petri de genere Sol prestare sacramentum debuisset coram nobis super eo, quod cum domina Margaretha uxor Comitis Myska de Wrs altare Beati Michaelis in ecclesia Marie Magdalene de Wrs per Bartholomeum Episcopum felicis recordacionis fecit consecrari Ecclesie donaverit coram ipsis: in illo termino prenominatus Petrus filius Petri non venit nec aliquem pro se misit; expectantibus predictis Preposito, Cantore et aliis prenominatis testibus ipso die usque noctem. Qui, ut dixerunt, comparere omiserat ad prestandum sacramentum super facto ancille antedicte. Datum quarto die ipsius festi Omnium Sanctorum.

(Religio, egyházi és irodalmi folyóirat. 1854 42-ik sz. 331. 1. Czech).