Capitulum Albensis Ecclesie vniuersis Christi fidelibus presentibus pariter et futuris presencium noticiam habituris salutem in eo, qui salus omnium. Vestra nouerit vniuersitas, quod constitutus coram nobis personaliter Alexander filius Marcelli de villa Durug proposuit, quod cum pater suus Marcellus attendes temporibus sue vite, et ipse multa temporialia commoda et bona Ecclesie Sancti Martini de Sacro Monte Pannonie recepissent, et idem pater suus die extremo sibi properante condigna vicissitudine refundere nequiuisset, ipse volens eidem Ecclesie grato recompensacionis stipendio respondere, memor existens accepti beneficii, vtpote vir vndique circumspectus et prudens, ob remedium anime patris sue et proprie ac spem eterne beatitudinis, terram suam quam in eadem villa ex donacione Regis Bele quarti obtinebat, prout per litteras eiusdem dicti Bele Regis nobis constitit euidenter, vsui quinque aratrorum sufficientem cum feneto et aliis vtilitatibus suis et pertinenciis, eidem Ecclesie coram nobis contulit et donauit iure perpetuo et irrenocabili possidendam. Adiicimus eciam, quod frater Cosmas Decanus eiusdem Ecclesie promisit nomine ipsius Ecclesie, quod idem Alexander et sui heredes tueantur (így) per Ecclesiam memoratam et protegantur, ac eciam ipsis tam in spiritualibus, quam in temporalibus prouideatur ab eadem. In cuius rei memoriam et perpetuam firmitatem presentes litteras ad peticionem partis vtriusque, videlicet Alexandri et Decani memorati concessimus eidem Ecclesie Sancti Martini sigilli nostri munimine roboratas. Datum anno Domini M°CC°L° octauo. Magistro Phitippo Ecclesie nostre Electo aule Regie Vice-Cancellario, Gregorio Cantore, Feliciano Custode, Ambrosio Decano existentibus.

(Eredetie a szent-mártoni főapátság levéltárában. V. ö. 203. sz. a. okmányunkat.)