Capitulum Ecclesie Jeuriensis vniusersis Christi fidelibus, presencium inspectoriobus salutem in salutis largitore. Vniuersitati vestre declaramus presencium per tenorem: Quod venerabilis pater Fanus Abbas Sancti Martini de Sacro Monte Pannonie literas Regias nobis presentauit, in quibus nobis dabatur in mandatis, ut aliquem ex sociis nostris vna cum predicto Abbate ac Iohanne Comite filio Gug Comitis, Pristaldo ipsius domini Regis, nec non Elec filio Nicholay ad circumeundam quamdam terram predicti Elec, nomine Dyonis, sitam in Comitatu Posoniensi, transmitteremus. Nos itaque mandato domini nostri Regis satisfacere cupientes, vt tenemur, magistrum Alexandrum Concanonicum nostrum, virum discretum cum domino Abbate, Iohanne Comite et Elec predictis transmissimus, in cuius presencia cum Abbas, Comes Iohannes et Elec predicti, convocatis commetaneis et uicinis, terram predictam peragrassent, et idem Elec suam eis aperuisset voluntatem, quod ipsam terram Abbati et Monasterio Sancti Martini conferre ob sue anime remedium intendebat; vnanimiter responderunt, quod prefatum dominum Abbatem et Monasterium Sancti Martini liberaliter et libenter sine contradiccione alique in suum uicinum et commetaneum admittebant. Postmodum uero sepedictus Elec in nostri presencia constitutus confessus est, quod predictam terram suam Dyonys pro remedio anime sue, nec non pro trecentis quatuor marcis, quas confessus est eundem Abbatem suo ac Monasterii sui nomine sibi iam dudum persoluisse ad plenum, contulerat ipsi domino Abbati ac Monasterio Sancti Martini cum duobus seruis, Beed et Iteu, ac vno libertino nomine Andrea, pacifice et quiete de cetero possidendam: ac proprietatem et dominium eiusdem in prefatum Monasterium Sancti Martini transtulit pleno iure, nullum in ea ius sibi vel suis heredibus reservando. Ipsa vero terra est undique consignata metis veteribus et antiquis, que perveniendo ad magnum Danubium a tera villarum Chun et Vruzwar (Csun, Oroszvár) per eundem Danubium separantur. Vt igitur huius rei scries robur optineat firmitatis perpetue, ad peticionem eiusdem Elec, Abbati et Monasterio Sancti Martini sepedictis presentes concessimus litteras nostri sigilli munimine roboratas. Anno Domini M°. CC°. quinquagesimo octavo. Chapano Ecclesie nostre Preposito. Iurkone Cantore, Thoma Custode existentibus.

(Eredetie a szent-mártoni főapátság levéltárában. Ugyanezen ügyre vonatkozik a székesfehérvári káptalan szintén 1258-ki okmánya, Fejérnél Cod. Dipl. VII. k. I. r. 309. l.)