Nos Capitulum Vesprimiensis Ecclesie domus pro memoria, quod Gregorius filius Petri Comitis coram nobis constitutus pro se et pro Petro Comite fratre suo, Feldyrico, sic et pro Andrea fratribus suis asseruit viva voce, quod cum ipse et prenotati fratres sui movissent causam contra Abram et Renoldum filios Miska Comitis, requirendo ab eisdem dotem et res paraphernales domine Margarethe sororis ipsorum, filie dicti Petri Comitis, uxoris Miska Comitis, coram domino nostro (Zelando) Episcopo Vesprimiensi; eadem causa secundum sentenciam predicti domini nostri Episcopi taliter extitit ordinata: quod predicti filii Miska Comitis solverunt viginti et quinque marcas coram nobis pro dote et rebus paraphernalibus domine Margarethe super dote; et sic idem Gregorius dixit fuisse satisfactum ita, quod de cetero nec ipse Gregorius, nec fratres sui predicti, nec quisquam de cognatis ipsorum predictos filios Miska Comitis racione dotis et rerum paraphernalium prefate domine poterit impetere seu molestare. Datum quarta feria proxima post octauas Sancti Michaelis, anno gracie millesimo ducentesimo quinquagesimo octauo. L. S.

(Religio egyh. és irod. folyóirat. 1854. 42. sz. 332. lap. Czech.)