Alexander Episcopus etc. dilectis filiis... Magistro et fratribus Hospitals Sancti Stephani Regis Strigoniensis. Ordinis Sancti Augustini salutem etc. Pia mentis vestre caritas pauperum lacrymis irrota molitur jugiter fructuosa existere, taliter, quod debilium opportunitatibus adesse non desinat, et si ad ipsorum solatium propria interdum deficiant, proximorum pro eis subsidia tota virtute imploret. Nos autem caritatis hujusmodi amatores paternis amplexibus amplexantes, Apostolice Sedis ubera sic clementer exhibere cupimus, ut ex eis sibi proveniat provisionis consilium salutaris. Cum itaque hospitalitatis observantiam, que, ut asseritus, in hospitali vestro circa cunctos continuo exercetur, facultates ipsius nequant tolerare, nos volentes ut, propterea specialis beneficio gracie gaudeatis, venerabilium fratrum nostrorum... Tusculani et... Penestrini Episcoporum supplicationibus inclinati, quod de possessionibus vestris hactenus aquisitis, quas propriis manibus aut sumptibus colitis, nulli teneamini decimas exhibere, auctoritate vobis presentium indulgemus. Nulli etc. nostre concessionis etc. Datum Anagnie V. Idus Decembris (Pontificatus nostri) anno quinto.

(Theiner id. m. I. k. 242. l.)