Urbanus Episcopus seruus seruorum Dei dilecto filio ... Cantori Ecclesie Jauriensis salutem et Apostolicam benedictionem. Querelam dilectorum filiorum ... Abbatis et Conuentus Monasterii Sancti Martini supra Pannoniam ad Romanam Ecclesiam nullo medio pertinentis Ordinis Sancti Benedicti recepimus continentem, quod Preceptor et fratres Hospitalarii Ierosolymitani de Cbirgo Vesprimiensis Diocesis super quibusdam decimis et aliis rebus fidem non seruarint eisdem. Ideoque discretioni tue per Apostoliea scripta mandamus, quatenus acceptis ad latus tuum etiam aliis viris, causam inter partes easdem debito fine decidas, faciens quod decreueris per censuram Ecclesiasticam firmiter obseruari. Testes autem qui fuerint nominati, si se gratia, odio vel timore subtraxerint causa in prescripta, appellatione cessante compellos veritati testimonium adhibere. Datum Viterbij nono kalendas Octobris Pontificatus nostri anno primo.

(Eredetie a szent-mártoni főapátság levéltárában.)