Vrbanus Episcopus seruus seruorum Dei venerabili fratri ... Episcopo Waciensi, et dilectis filiis ... Preposito Sancti Thome Strigoniensis et... Cantori Iaurinensis Ecclesiarum salutem et Apostolicam benedictionem. Querelam dilectorum filiorum Abbatis et Conuentus Mouasterii Sancti Martini supra Pannoniam ad Romanam Ecclesiam nullo medio pertinentis Ordinis Sancti Benedicti recepimus continentem, quod venerabilis frater noster ... Episcopus et Capitulum Vesprimiense super quibusdam decimis et rebus aliis iniuriantur eisdem. Ideoque discretioni vestre per Apostolica scripta mandamus, quatinus partibus conuocatis audiatis eam, et apellatione remota fine debito decidatis facientes quod decreueritis auctoritate nostra firmiter obseruari. Testes autem qui fuerint nominali, si se gratia, odio vel timore subtraxerint causa in prescripta, appellatione cessante compellas veritati testimonium adhibere. Quod si non omnes hiis exequendis potueritis interesse, duo vestrum ea nihilominos exequantur. Datum Viterbii III. mensis Octobris Pontificatus nostri anno primo.

(Eredetie a szent-mártoni főapátság levéltárában.)