Urbanus Episcopus seruus seruorum Dei dilecto filio ... Cantori Ecclesie Iauriensis. Querelam dilectorum filiorum Abbatis et Conuentus Monasterii Sancti Martini supra Pannoniam ad Romanam Ecclesiam nullo medio pertinentis Ordinis Sancti Benedicti recepimus continentem, quod Prepositus et Capitulum Ecclesie Albensis Wesprimiensis Diocesis super quibusdam decimis et rebus aliis iniuriantur eisdem. Ideoque discretioni tue per Apostolica scripta mandamus, quatenus partibus conuocatis audias eam et appellatione remota debito fine decidatis faciens quod decreueris per censuram ecclesiasticam firmiter obseruari. Testes autem qui fuerint nominati, si se gratia, odio vel timore subtraxerint, censura simili appellacione cessante compellas veritati testimonium perhibere. Datum Viterbii III. nonas Octobris Pontificatus nostri anno primo.

(Eredetie a szent-mártoni főapátság levéltárában.)