Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex omnibus presentes litteras inspecturis salutem in Domino. Ut collaciones Regum parpetuo perseuerent, litterarum solent testimonio communiri. Proinde ad vniuersorum noticiam harum serie volumus peruenire, quod pugil Johannes filius Johannis, ad nostram accedens presenciam, nostre Celsitudini instantissime supplicauit, vt terram castri Zaguria Batina vocatam, terre sue hereditarie contiguam, ad tria aratra sufficientem, de plenitudine nostre gracie sibi dare dignaremur. Nos igitur consideratis ipsius seruiciis inpensis et inpendendis, dictam terram Batyna dicto J(ohanni) et per eum suis heredibus duximus conferendam, et eundem J. in possessionem terre prefate corporalem per Magistrum Moys tunc Comitem de Symigio, dilectum fidelem nostrum fecimus introduci. Cuius quidem mete, prout iu litteris Lamberi Comitis, officialis Magistri Moys, cui perscripcionem metarum dictus magister Moys commiserat vice sua, contineri vidimus, hoc ordine distinguuntur. Prima meta incipit ex meridionali parte iuxta magnam viam, vbi est meta terrea, in qua est arbor silicis, cui eciam hereditaria meta dicti Johannis ex parte Bokouch terre suc, et meta Nicolai filii Gregorii associatur; deinde in eadem via minimine procedendo versus occidentem ex sinistra parte dicte vie est meta terrea, in qua est arbor que cul nuncupatur; deinde descendit in vallem, et ibi in nasu (így) montis, qui Graduch nuncupatur, est meta lapidea; et de nasu montis ascendit minime, vbi est meta terrea, in qua est arbor ylicis juxta viam, ab altera parte vie secunda arbor est cruce signata, deinde descendit 17in vallem ad quendam fluulum, qui Sarus Bur nominatur; deinde ascendit ad montem paruulum et directum, vbi est meta terrea, in qua est arbor quercus, et vadit in dorso cuiusdam montis versus septemtrionem per viam, et de eadem declinat ad monticulum et veniet (igy) in aliam viam iuxta vineam Johannis, vbi est meta terrea, in qua est pyrus; deinde descendit ad flouium Bonnam, et eum transeundo peruenit ad virgultum, venit ad metam terream; deinde per viam veniet ad alteram metam terream, vbi meta Nicolai terminatur; et ibidem iuxta eandem viam ex dextra parte est meta Martini filii Gurdina, et Cuzmicho; deinde veniet per laterem montis minime in virgulto versus meridiem ad hereditariam Johannis, que Dulga nuncupatur, pernenit ad primam metam, et ibi terminatur. In cuius rei memoriam et perpetuam firmitatem presentes dedimus litteras duplicis sigilli nostri munimine roboratas. Datum per manus Magistri Pauli Electi Albensis, aule nostre Vice-Cancellarii dilecti fidelis nostri, anno ab Incarnacione Domini millesimo ducentesimo sexagesimo secundo, pridie kalendas Iulii, Regui autem nostri anno vigesimo VII°.

(Eredetie a Priberdi Jankovich család levéltárában. V. ő. Fejér Cod. Dipl VII. k. 3. r. 42. l.)