Capitulum Ecclesie Geuriensis omnibus Christi fidelibus presencium inspectoribus salutem in Domino. Nouerit vniuersitas vestra, quod cum Iohannes filius Belid porcionem in uilla Zeplok ipsum contingentem, scilicet sextam partem, que decedente Nicolao filio Osl sibi fuerat deuoluta, nostrarum literarum testimonio, Comiti Herbordo filio Osl fratri suo pro viginti duabus marcis pignori obligasset, adueniente termino eiusdem possessionis redemcioni deputato, videlicet die Dominica, qua cantatur „Esto Michi”; nec idem Iohannes, nec aliquis consanguineorum suorum dictam possessionem redimere curauerint sex diebus coram nobis expectati. Vnde ex obligacione sua dicta possessio cum omnibus vtilitatibus et attinenciis suis eidem Comiti Herbordo et suis heredibus est perpetuata. In cuius rei memoriam perpetuam presentes dedimus litteras sigilli nostri munimine roboratas. Anno Domini M°CC°LX° secundo. Chepano Preposito, Jurkone Cantore, Hectore Custode existendo.

A. B. C. D.

(Az eredeti után Czech.)