Capitulum Ecclesie Geuriensis omnibus Christi fidelibus presens scriptum inspecturis salutem in Domino sempiternam. Ad vniuersorum noticiam harum serie volumus pervenire, quod constitutis coram nobis Stephano filio Petri pro se et pro filiis suis Stephano ac Iacobo, Michaele filio Guestred, Marcello filio Siluestri pro se et fratribus suis, Stephano et Nicolao, Pouca filio Iohannis de Vruzvar, Romano filio Voskan, Hermanno filio Sabus, Pousa filio Geyse pro se et pro Petk, Marco ac Nicolao filio Nicolai de villa Reugen, jobagionibus castri Musuniensis ex vna parte; et fratribus Bonifacio et Henrico monachis Monasterii Sancti Martini de Sacro Monte Pannonie nomine et vice Abbatis et Monasterii supra dicti ex altera, iidem Stephanus et consanguinei sui prenotati quandam insulam suam hereditariam Staraduna vocatam cum omnibus vtilitatibus et attinenciis suis, siluis videlicet, fenetis, terra arabili ac piscatura Danubii pro modo longitudinis ipsius insule eandem contingentis, a parte septemtrionali terre Strigouiensis Ecclesie, ville scilicet Pispuky, ab oriente vero et occidente terre eorundem virorum commetaneam, exceptis tribus insulis suis aliis, Camara, Eurem et Polonatu uocatis, vendiderunt prefato Abbati et monasterio pro quadraginta tribus marcis argenti coram nobis sibi plene persolutis iure perpetuo possidendam, assumentes et obligantes se, ut quicunque super eadem insula ac pertinenciis suis predictis dictum Ahbatem et Monasterium impetere vel molestare processu temporis attemptaret, ipsos tunc eorum quilibet defendere et expedire tenebuntur propriis laboribus et expensis. In cuius rei testimonium ad peticionem parcium presentes concessimus litteras sigilli nostri munimine roboratas, anno Domini millesimo ducentesimo sexagesimo secundo. Chepauo Preposito, Iurkone Cantore, Hectore Custode existentibus.

(Eredetie a szent-mártoni főapátság levéltárában.)