Bela Dei gracia Hungarie, Dalmacie, Croacie, Rame, Seruie, Gallicie, Lodomerie Cumanieque Rex vniuersis presentes litteras inspecturis salutem in omnium Saluatore. Ad vuiuersorum noticiam tenore presencium vulumus peruenire; quod cum ad terram Monasterii Sancti Martini de Sacro Monte Pannonie Fyzedtu vocatam hospites libere condicionis fecissemus pro nostro seu Regni nostri commodo congregari, de consensu et beneplacito Abbatis Monasterii supradicti eisdem hospitibus congregatis et congregandis talem ordinauimus seu statuimus libertatem, vt ijdem in festo Sancti Martini racione terragii Monasterio Sancti Martini soluerent duo pondera annuatim; in aliis autem obseruabunt libertatem Budensis Ciuitatis tam in facto villici, quam eciam circa judicia eo modo, vt omnes causas inter ipsos exortas villicus eorum pro tempore constitutus judicabit; hoc expresso, quod in causa sanguinis due partes judiciorum cedent Monasterio Sancti Martini, tercia parte villico remanente. Item quatuor molendina et tributum in Fyzedtu, que ab antiquo fuerunt eiusdem Monasterij, eidem Monasterio possidenda reliquimus pleno iure. Item illa duo molendina, que Abbas dicti Monasterii Heric,tunc temporis villico, ob merita seruiciorum contulit, idem Heric et sui heredes iure perpetuo possidebunt, ita quod nec villicus; qui pro tempore fuerit constitutus, in ipsis molendinis aliquam racione villicacionis sue habere poterit porcionem. Item si aliquis ex illis hospitibus heredum solacio destitutus nature debitum persoluerit, de omnibus bonis suis cuicunque voluerit, legandi, relinquendi seu disponendi liberam habeat facultatem iuxta sue beneplacita voluntatis. Item si quis ex dictis hospitibus contra villicum suum litem aggredi voluerit, eundem nonnisi ad 39presenciam Abbatis Sancti Martini debeat conuenire, quem Abbas vna cum sex juratis eiusdem ville judicabit. Item statuimus, quod nullus Baronum nostrorum, vel alter aliquis super eosdem hospites desceneum possit facere violentum. Preterea piscacionem, quam Monasterium Sancti Martini ibidem habuit et possedit, de beneplacito Abbatis eiusdem Monasterii dictis hospitibus perpetuo duximus conferendam. Item de tributo portus Danubii, quem nos ibidem duximus statuendum, due partes cedent hospitibus supradictis pro deliciis seu seruiciis nobis impendendis; terciam uero partem Monasterium percipiet antedictum; de omni autem tributo dicti portus decimam partem terrestres eiusdem terre percipient, per quorum terram transitum faciunt transeuntes. Vt autem concesse libertatis series inuiolabiliter obseruetur, nec per quempiam possit in irritum revocari, presentes dictis hospitibus concessimus litteras duplicis sigilli nostri munimine roboratas. Datum per manus magistri Farcasij Electi Albensis, aule nostra Vica- Cancellarij, dilecti et fidelis nostri; anno Domini millesimo ducentesimo sexagesimo tercio; Regni autem nostri anno vicesimo nono.

(Robert Károly király 1320-ki megerősitő privilegiumából, mely őriztetik a sz.-mártoni főapátság levéltárában.)