Bela Dei gracia Hungarie, Dalmacie, Croacie, Rame, Seruie, Gallicie, Lodomerie Cumanique Rex omnibus Christi fidelibus presentibus pariter et futuris, presentes litteras inspecturis salutem in omnium Salvatore. Ad vniuersorum noticiam tenore presencium volumus pervenire: quod cum Comes Geubulinus, filius Leonardi de Scepus grata nobis semper et acceptabilia servicia ac fervorem fidelitatis incessauter impendisset; i os ipsius serviciorum meritis condigna remuneracione Regia occurrere volentes cum favore, quandam (terram) Nadas vocatam in Comitatu de Scepus cum utilitatibus suis ipsi Geubulino, et per eum suis heredibus, heredumque suorum successoribus, more Saxonum aliorum in Scepus commorancium de liberalitate Regia duximus conferendam, donacionis titulo perpetuo possidendam; et eandem sibi Detricus Comes de Scepus dilectus et fidelis noster de nostro mandato assignauit, sicut idem Detricus Comes nobis in suis litteris intimauit. In cuius rei memoriam et perpetuam firmitatem presentes concessimus literas sigilli nostri duplicis munimine roboratas. Datum per manus magistri Farcasii Albensis Ecclesie Electi, aule nostre Vice Cancellarii, fidelis nostri; anno Domini M°CC° sexagesimo tercio, Regni autem nostri anno vicesimo nono.

(Erzsébet királyné 1280-ki megerősitő okmányából. Czech.)