Maria Dei gracia Regina Hungarie vniuersis Christi fidelibus presens scriptum inspecturis salutem in omnium Saluatore. Ad vniuersorum noticiam tam presencium quam futurorum harum serie volumus peruenire, quod cum dominus Rex de Monasterio Sancti Martini de Sacro Monte Pannonie castrum Kyssin, quod nunc Vyuar nuncupatur, recepisset et in concambium eiusdem castri eidem monasterio pronidere teneretur, et nos eciam ab eodem Monasterio pro quibusdam necessitatibus nostris vrgentibus octingentas marcas fini argenti receperimus, et contra vim Tartarorum pro nobilibus expenderimus; quasdam possessiones nostras, videlicet nouam villam iuxta Wag existentem, cum aliis tribus villis ad ipsam pertinentibus, videlicet villa Sceredahel, villa Lubo et villa Putuorch predicto Monasterio Sancti Martini tam pro concambio castri Kyscin, quam pro octingentis marcis ab eodem monasterio receptis ex voluntate domini Regis et nostro beneplacito cum omnibus utilitatibus et pertinenciis suis in eisdem metis, in quibus nos possedimus et in eadem libertate, secundum quod nos tenuimus, perpetuo iure contulimus possidendas; et quandocunque per Abbatem eiusdem Monasteriii fuerimus requisite, sepedictas possessiones cum aurea bulla domini Regis eidem monasterio per fidelem nostrum magistrum Mothmerium Prepositum de Scepes Cancellarium nostrum fecimus assignari. Vt autem hec nostra donacio seu collacio robur perpetue obtineat firmitatis, et nec per qnempiam possit in irritum reuocari, presentes litteras noist as duplicis sigilli nostri munimine concessimus roboratas. Datum anno ab Incarnacione Domini millesimo ducentesimo sexagesimo tercio.

(Eredetie a szent-mártoni főapátság levéltárában.)