Urbanus Episcopus etc. dilecto filio magistro Ireneo Canonico Jauriensi salutem etc. Ea que judicio vel concurdia terminantur, firma debent et illibata consistere, et ne in recidive contentionis scrupulum relabautur, Apostolico convenit presidio communiri. Eapropter etc. communimus. Exhibita siquidem nobis tua petitio continebat, quod cum nos in causa, que inter te ex parte una, et venerabilem fratrem nostrum. Episcopum et magistrum Petrum, nepotem et procuratorem ejus, Canonicum Jaurienses, super vacante Archidiacunatu Supruniensi in Ecclesia Jauriensi; ad collatiunem ipsius Episcopi pertinente, in quo tu et dictus magister vos jus dicebatis habere, ex altera orta exstitit, per appellationem tuam ad Sedem Apostolicam legitime devoluta, dilectum filium nostrum G. Sancti Georgii ad Velum Aureum Diaconum Cardinalem dedissemus partibus Auditorem, libellis tandem coram eo hinc inde porrectis, partibus placuit, quod venerabilis frater noster S(tephanus) Prenestinus Episcopus componeret inter eas, qui a nobis super hoc vive vocis oraculo plenam auctoritatem obtinuit et liberam potestatem. Te itaque ac eodem magistro Petro in ejusdem Episcopi Prenestini presentia constitutis, idem Petrus tam pro se quam pro dicto Episcopo Jauriensi, a quo transigendi, componendi et compromittendi speciale mandatum et liberam potestatem habebat, nec non et tu pro te super huiusmodi questione sponte, libere ac absolute in prefatum Episcopum Penestrinum compromittere curavistis. Postmodum vero lite super libellis pro tua parte coram jam dicto Episcopo Prenestino porrectis legitime contestata, Episcopus ipse, inspectis processibus, actis, munimentis, et rationibus coram eo exbibitis nec non auditis, que partes dicere ac proponere voluerunt, consideratis etiam que ad pacem, tranquillitatem et bonum statum utriusque partis facerent, supradictos Epiacopum Jauriensem et magistrum Petrum ab impetitione tua super eodem Archidiaconatu Supruniensi sententialiter absolvit et absolutos esse decrevit. Supradicta quoque auctoritate nostra super provisione tibi facienda de dignitate vel personatu cum cura vel sine cura, que vel qui in Jauriensi Ecclesia tunc vacabat vel primo vacaret, ac de capellis et redditibus capellarum ad collacionem ipsius Episcopi pertineutium usque ad certum annuum valorem quamdam ordinationem te ac dicto magistro Petro presentibus edidit, dignitatem seu personatum et capellas huiusmodi tibi conferendas Apostolice donacioni reservans, et decernens irritum et inane, si secus de hiis quavis auctoritate contigerit attemptari, prout in publico instrumento confecto exinde ac sigillo ipsius Episcopi Prenestini signato plenius continetur. Nos itaque tuis supplicationibus inclinati, hujusmodi ordinationem, reservationem et decretum per eundem Episcopum edita, in hiis que te contingunt, rata et firma habentes, ea auctoritate Apostolica confirmamus et presentis scripti patrocinio communimus. Tenorem autem ipsius instrumenti de verbo ad verbum presentibus fecimus annotari: qui talis est.

In nomine Domini Amen. Orta dadum stb. (mint fenebb 45, sz. a )

Nulli ergo etc. nostre confirmationis etc. Datum apud Urbem Veterem IIII. nonas Januarii, (Pontificatus nostri) anno tertio.

(IV. Orbán pápa Regestáiból, Theiner id. m. I. k. 255. l.)