Urbanus Epiacopua etc. dilecto filio ... Abbati Sancti Martini de Pannonia Ordinis Sancti Benedicti, Jauriensis Diocesia, salutem etc. Exhibita nobis dilecti filii magistri Irenei Canonici Jauriensis petitio continebat: quod cum nos in causa, que inter ipsum ex parte una, et venerabilem fratrem nostrum ... Episcopum ac magiatrum Petrum, nepotem et procuratorem eius, Canonicum Jaurienses, super vacante Archidiaconatu Supruniensi in Ecclesia Jauriensi, ad collationem ipsius Episcopi pertinente, in quo is et dictus magister se ius dicebant habere, ex altera orta extitit, per appellationem suam ad Sedem Apostolicam legitime devoluta, dilectum filium nostrum G. Sancti Georgii ad Velum Aureum Diaconum Cardinalem dedissemus partibus auditorem; libellis tandem coram eo hinc inde porrectis, partibus placuit, quod venerabilis frater noster S(tephanus) Prenestinus Episcopus componeret inter eas, qui a nobis super hoc vive vocis oraculo plenam auctoritatem obtinuit et liberam potestatem. Eo itaque, ac eodem magistro Petro in ejusdem Epiacopi Prenestini presentia constitutis, idem Petrus tam pro se quam pro dicto Episcopo Jauriensi, a quo transigendi, componendi, ac compromittendi apeciale mandatum et liberam potestatem habebat, nec non et idem pro se super hujusmodi questione sponte, libere ac absolute in prefatum Episcopum Penestrinum compromittere curaverunt. Postmodum vero lite super libellis pro sua parte coram jamdicto Episcopo Prenestino porrectis legitime contestata, Episcopus ipse, inspectis processibus, actis, munimentis et rationibus coram eo exhibitis, nec non auditis, que partes dicere ae proponere voluerunt, consideratis etiam que ad pacem, tranquillitatem et bonum statum utriusque partis facerent, supradictos Episcopum Jauriensem et magistrum Petrum ab impetitione sua super eodem Archidiaconatu Supruniensi sententialiter absolvit, et absolutos esse decrevit. Supradicta quoque auctoritate nostra super provisione sibi facienda de dignitate vel personatu cum cura, vel sine cura, que vel qui in Ecclesia Jauriensi tunc vacabat vel primo vacaret, ac de capellis vel redditibus capellarum ad collationem ipsius Episcopi pertinentium usque ad certum annuum valorem quandam ordinationem se ac dicto magistro Petro presentibus edidit, dignitatem seu personalum et capellas hujusmodi sibi conferendas Apostolice donationi reservans, et decernens irritum et inane, si secus de hiis quavis auctoritate contigerit attemptari, prout in publico instrumento confecto exinde ac sigillo ipsius episcopi Prenestini aignato plenius continetur. Nos itaque ipsius Irenei supplicationibus inclinati, huiusmodi ordinationem, reservationem et decretum per eundem Episcopum edita in hiis, que ipsum contingunt rata et firma habentes, eadem auctoritate Apostolica duximus confirmanda. Ideoque discretioni tue mandamus, quatenus ordinationem, reservationem et decretum predicta in hiis, que pro eodem magistro I(reneo) faciunt, auctoritate nostra per te vel alium executioni demandes, contradictores etc. etc. compescendo. Non obstante, si dicto Episcopo Jauriensi aut aliquibus aliis a Sede Apostolica sit indultum, quod ad receptionem vel provisionem alicuius minime teneantur; quodque, ad id compelli vel suspendi aut interdici, seu excommunicari non possint, et quod alius nequeat de personatibus, dignitatibus, aliisque beneficiis ad ipsius Episcopi collationem spectantibus, aliquibus providere per ipsius Sedis litteras non facientes plenam et expressam de indulto hujusmodi mentionem, seu aliqua indulgentia Sedis eiusdem, per quam executio hujusmodi impediri valeat, vel differri, et de qua in nostris litteris fieri debeat meotio specialis. Datum apud Urbem Veterem IIII. Nonas Januarii; Pontificatus nostri anno tertio.

(IV. Orbán pápa Regestáiból, Tbeiner id. m. I. k. 258. l.)