Urbanus Episcopus etc. venerabili fratri ... Archiepiscopo Strigoniensi salutem etc. Hiis, que nostra auctoritate fiunt, ut firma permaneant et illibata consistant, libenter adicimus Apostolici roboris firmitatem. Sane petitio dilecti filii Giroldi de Owad clerici Jauriensis Diocesis, nobis exhibita continebat, quod cum nos olim venerabili fratri nostro ... Epiacopo etc. confirmandum. Quocirca fraternitati tue mandamus, quatenus eundem Giroldum vel alium loco sui in corporalem earundem capellarum possessionem inducas, per te, vel per alium, et defendas inductum, amoto ab eis quolibet illicito detentore; non obstante, si scripsimus in partibus illis specialiter vel generaliter super provisionibus aliorum, quibus quoad assecutionem aliorum beneficiorum nolumus preiudicium generari; aut si aliquibus a Sede Apostolica sit indultum, quod ad receptionem vel provisionem alicuius compelli, qnod interdici, suspendi vel excommunicari non possint, et quod de beneficiis ad collationem eorum spectantibus nulli valeat provideri per litteras Apoatolicas non facientes plenam et expressam de indulto huiusmodi mentionem, seu qualibet alia indulgentia dicte Sedis, per quam id impediri valeat vel differri. Contradictores etc. Datum apud Urbem Veterem XII. Kal. Julii. (Pontificatus nostri) anno tertio.

(IV. Orbán pápa Regestáiból, Theiner id. m. I. k. 269. l.)