Urbanus Episcopus etc. dilectis filiis nobili mulieri Agne vidue Ducisse Galitie, de Bosna et de Mazo Domine, ac nobilibus viris Michaeli et Bele natis eiusdem salutem etc. Cum a nobis petitur stb. Exhibita siquidem nobis vestra petitio continebat, quod carissimus in Christo filius noster B(ela) Ungarie Rex Illustris, pater tuus, filia Ducissa, quondam Radizlao, Duci Galicie, viro tuo, et tibi, predicta Ducissa, vestrisque heredibus in perpetuum quasdam terras et possessiones, que Belin et de Sancto Demetrio nuncupantur, cum iuribus et pertinentiis earum, sicut ad Regem spectabant eundem, liberali dextra concessit, tradidit et donavit, prout in patentibus litteris ipsius Regis confectis exinde suoque aigillo munitis plenius dicitur contineri. Nos itaque obtentu prefati Regis, et carissime in Christo filie nostre M(arie) Illustris Regine Ungarie, matris tue, prefata Ducissa, qui pro te vobisque, filii Michael et Bela, nepotibus suis, predicti Ducis filiis et heredibus, Apostolicam gratiam implorari fecerunt, vestris supplicationibus inclinati, quod ab eodem Rege super concessione, traditione et donatione huiusmodi provide factum est, ratum et firmum habentes, terras et possessiones predictas, sicut eas iuste ac pacifice possidetis, vobia auctoritate Apostolica confirmamus, et presen is scripti patrocinio communimus. Nulli ergo etc. nostre confirmationis etc. Datum apud Urbem Veterem Idibus Julii. Pontificatus nostri anno tertio.

(IV. Orbán pápa Regestáiból, Theiner id. m. I. k. 273. l.)