Philippus miseratione Diuina Sancte Strigoniensis Ecclesie Archiepiscopus eiusdemque loci Comes perpetuus, aule Regis Cancellarius, vniuersis presentes litteras inspecturis salutem in Domino. Vestra nouerit vniuersitas, quod nos de gratia speciali, qua dilectos nobis in Christo filios Decanum et Plebanos de Scibinio, ad nos et Ecclesiam nostram immediate pertinentes, fovere, diligere et defendere tenemur eisdem indulsimus, vt nullus citationem, uel appellacionem, ad nos eciam ex legitimis causis interpositam contra aliquem uel aliquos eorum facere presumpmat, nisi prius Decano eorum secundum iuris ordinem requisito, et si idem Decanus in exhibenda iustitia insufficiens apparuerit, negligens uel remissus, vt tunc demum in huiusmodi casibus ad nostram presentiam licite citetur et etiam appelletur. In cuius rei testimonium 108presentes litteras coneessimus sigilli nostri munimine roboratas. Datum Strigonii, anno Domini M°. CC°. sexagesimo. IIII. intrante Maio die sexto.

(Teutech és Firnhaber, Urkundenbuch zur Geschichte Siebenbürgens; I. k. 79. l.)