Stephanus miseratione Divina Prenestinus Episcopus dilecto capellano suo Eventio presbitero salutem in Domino. Noveris nos recipisse litteras Apostolicas sub hac forma:

Urbanus Episcopus servus servorum Dei venerabili fratri ... Episcupo Penestrino salutem et Apostolicam benedictionem. Tuam volentes honorare personam et per honorem tibi exhibitum aliis providere, conferendi per te vel per alium aut alios personis idoneis beneficia ecclesiastica, personatus et dignitates cum cura et sine cura, que dilectus filius Thimotheus Zagrabiensis Electus promotionis sue tempore in Regno Ungarie obtinebat, ac faclendi personas ipsas ad beneficia huiusmodi, si in Ecclesiis collegiatis fuerint, recipi in canonicos et in fratres, nec non contradictores per censuram ecclesiasticam appellatione postposita compescendi; non obstante certo ipsarum Ecclesiarum canonicorum numero, iuramento, confirmatione Sedis Apostolice sive quacunque firmitate vallato, aut si direximus in ea pro aliis scripta nostra, seu si Sedis eiusdem vel Legatorum ipsius aut quacunque auetoritate in eis iu canonicos aliqui sunt recepti, vel ut recipiantur insistant, quibus per hoc quoad assecutionem aliorum beneficiorum, personatuum vel dignitatum preiudicium nullum fiat, aut si est aliquibus ab eadem Sede indultum, quod ad receptionem vel provisionem alicuius minime teneantur, et ad id compelli, quodque interdici, suspendi vel excommunicari non possint, et quod de beneficiis, personatibus vel dignitatibus ad collationem eorum spectantibus nulli valeat provideri per litteras Apostolicas, que de indulto huiusmodi plenam et expressam non fecerint mentionem, seu qualibet alia indulgentia diete Sedis, de qua cuiusque toto tenore de verbo ad verbum oporteat in nostris litteris plenam et expressam mentionem fieri, et per quam effectus presentium impediri valeat vel differri, aut quod eedem persone alias beneficiate existant, fraternitati tue liberam concedimus auctoritate presentium facultatem. Datum apud UrbemVeterem VII. Kal. Octobr. (Pontificatus nostri) anno tertio.

Harum igitur auctoritate litterarum canonicatum et prebendam, que venerabilis pater Timotheus Zagrabiensis Episcopus promotionis sue tempore in Zagrabiensi Ecclesia obtinebat vacantia per promotionem ipsius Episcopi, tibi cum domibus, curia et omnibus iuribus et pertinentiis suis conferimus et providemus de ipsis, te investientes presentialiter per nostrum annulum de eisdem. Non obstante certo ipsius Ecclesie canonicorum numero iuramento, confirmatione Sedis Apostolice, sive quacunque firmitate vallato, aut si dominus Papa in ea pro aliis direxerat scripta sua, seu si Sedis Apostolice vel Legatorum ipsius, aut quacunque auctoritate in ea in canonicos aliqui sint recepti, vel ut recipian tur insistant, quibus per hoc quo ad assecutionem aliorum beneficiorum, personatuum, vel dignitatum preiudicium nullum fiat, aut si est aliquibus ab eadem Sede indultum, quod ad receptionem vel provisionem alicuius minime teneantur et ad id compelli, quodque interdici, suspendi, vel excommunicari non possint, et quod de beneficiis, personatibus vel dignitatibus ad collationem eorum spectantibus nulli valeat provideri per litteras Apostolicas, que de indulto huiusmodi plenam et expressam non fecerint mentionem, seu qualibet alia indulgentia dicte Sedis, de qua cuiusque toto tenore de verbo ad verbum oporteat in nostris litteris plenam et expressam mentionem fieri, et per quam effectus preseotium impediri valeat vel differri, aut si alias beneficiatus existis; decernentes etiam auctoritate predicta irritum et inane, si secus de huiusmodi canonicatu et prebenda quavis auctoritate contigerit per aliquem attemptari. Actum in hospitio nostro apud Urbem Veterem, presentibus venerabilibus patribus Dei gratia A. Urgellensi et Timotheo Zagrabiensi Episcopis, fratre Bentevegna, fratre Gratia de Ordine Minorum, et magistro Roberto Cantore de Posega, domini Pape Subdiacono, capellanis nostris, Thomasino notario, Jacobino clerico et Guidone Bono familiaribus nostris, et pluribus testibus ad hoc specialiter vocatis et rogatis. Anno Domini MCCLXIIII. Pontificatus domini Urbani Pape IIII. anno tertio, Indictione VII. die primo Januarii. In cuius rei testimonium presens publicum instrumentum fieri fecimus et sigilli nostri munimine roborari. Et ego Angelus de Palliano Sancte Romane Ecclesie Scriniarius predictis interfui, et ea de mandato eiusdem domini Cardinalis subscripsi, et rogatus fideliter publicavi.

(IV. Orbán pápa megerősítő okmányából, mint fenebb 54. sz. a.)