Stephanus miseratione Divina Penestrinus Episcopus dilecto nepoti suo Joanni Archidiacono Jauriensi, domini Pape Capellano, salutem in Domino. Noveritis nos recepisse litteras Apostolicas in hac forma:

Urbanus Episcopus servus servorum Dei venerabili fratri ... Episcopo Penestrino, salutem et Apostolicam benedictionem. Tuam volentes honorare personam, et per honorem tibi exhibitum aliis providere, conferendi per te, vel per alium aut alios personis idoneis beneficia ecclesiastica, personatus et dignitates cum cura et sine cura, que dilectus filius Tymotheus Zagrabiensis Electus promotionis sue tempore in Regno Ungarie obtinebat, ac faciendi personas ipsas ad beneficia huiusmodi, si in Ecclesiis collegatis fueriot, recipi in Canonicos et in fratres, nec non contradictores per censuram ecclesiaslicam, appellatione postposita, compescendi, non obstante certo Ecclesiarum ipsarum Canonicorum numero iuramento, confirmatione Apostolice Sedis sive quacunque firmitale vallato, aut si direximus in ea pro aliis scripta nostra, seu si Sedis eiusdem vel Legatorum ipsius aut quacunque auctoritate in eis in Canonicos aliqui sunt recepti, vel ut recipiantur, insistant, quibus per hoc quo a assecutionem aliorum beneficiorum, personatuum vel dignitatum preiudicium nullum fiat, aut si est aliquibus ab eadem Sede indultum, quod ad receptionem vel provisionem alicuius minime teneantur, et ad id compelli, quodque interdici, suspendi et excommunicari non possint, et quod de beneficiis, personatibus, vel dignitatibus ad collationem eorum spectantibus nulli valeat provideri per litteras Apostolicas, que, de indulto huiusmodi plenam et expressam non fecerint mentionem, seu qualibet alia indulgentia dicte Sedis, de qua cuiusque toto tenore de verbo ad verbum oporteat in nostris litteris plenam et expressam mentionem fieri, et per quam effectus presentium impediri valeat vel differri, aut quod eedem persone alias beneficiate existant, fraternitati tue liberam concedimus auctoritate presentium facultatem. Datum apud Urbem Veterem VII. Kal. Octobris. (Pontificatus nostri) anno tertio.

Harum igitur auctoritate litterarum Archidiaconatum Zaladiensem, Canonicatum et prebendam, quos venerabilis pater Tymotheus Zagrabiensis Episcopus promotionis sue tempore in Vesprimiensi Ecclesia obtinebat, vacantes per promotionem ipsius Episcopi, tibi cum omnibus iuribus et pertinentiis suis conferimus, et providemus de ipsis, dilectum notarium nostrum Thomasinum tuo nomine investientes per nostrum annulum de eisdem. Non obstante certo ipsius Ecclesie Canonicorum numero furamento, confirmatione Sedis Apostolice seu quacunque firmitate vallato, aut si dominus Papa in ea pro aliis direxerit scripta sua, seu si Sedis Apostolice vel Legatorum ipsius aut quacunque aucturitate in ea in Canonicos aliqui sint recepti, vel ut recipiantur, insistant, quibus per hoc quoad assecutionem aliorum beneficiorum; personatuum vel dignitatum preiudicium nullum fiat, aut si est aliquibus ab eadem Sede indultum, quod ad receptionem vel provisionem alicuius minime teneautur, et ad id compelli, quodque interdici, suspendi vel excommunicari non possint, et quod de beneficiis, personatibus vel dignitatibus ad collationem eorum spectantibus nulli valeat provideri per litteras Apostolicas, que de indulto huiusmodi plenam et expressam non fecerint mentionem, seu qualibet alia indulgentia dicte Sedis, de qua cuiusqne toto tenore de verbo ad verbum oporteat in nostris litteris plenam et expressam mentionem fieri, et per quam effectus presentium impediri valeat, vel differri, aut quod alias beneficiatus existas; decernentes etiam auctoritate predicta irritum et inane, si secus de huiusmodi Archidiaconatu, Cannonicatu et prebenda, quavis auctoritate contigerit per aliquem attemptari. Actum apud Urbem Veterem in hospitio nostro, presentibus venerabilibus patribus Dei gratia A. Urgellensi, et Tymotheo Zagrabiensi Episcopis, fratre Bentevegna, fratre Gratia de Minorum et magistro Roberto Cantore de Posega, domini Pape Subdicano, Capellanis nostris; Thomasino notario, Jacobino clerico et Guidone Bono familiaribus nostris, et pluribus testibus ad hoc vocatis specialiter et rogatis, anno Domini MCCLXIIII. Pontificatus domini Urbani Pape IIII. anno tertio, Indictione VII., die primo Januarii In cuius rei testimonium presens publicum instrumentum fieri fecimus et sigilli nostri munimine roborari. Et ego Angelus de Palliano Sancte Romane Ecclesie Scriniarius predictis interfui, et ea de mandato eiusdem domini Cardinalis ecripsi et rogatus fideliter publicavi.

(Orbán pápa megerősítő okmányából, melyet láss fenebb 56. sz. a.)