Bela Dei gracia Hungarie Rex venerabili patri D. per eandem Episcopo Jaurieasi dilecto et fideli suo salutem et graciam plenam. Ex conquestione Conuentus Monasterii nostri de Beel intelleximus, quod vos nitimini contra iusticiam vsurpare decimas populorum suorum de Koyar, quas a tempore, cuius non extat memoria monasterium nostrum de Beel possedit pacifice ac possidet, et super hoc priores litteras, quas vobis miseramus, acceptare, sicut nobis dicitur, noluistis. Verum cum idem Monasterium ab antiquo semper fuerit in pacifica possessione et percepcione decimarum earundem, et tutum sit prescripcione, uosque super hoc et aliis ius vobis dicere non debeatis; vuluums et mandamus paternitati vestre diligenter requirendo, quatenus ab huiusmodi indebita vsurpacione seu occupacione decimarum Monasterii nostri supradicti penitus desistatis. Si quid autern iuris vos babere creditis in eisdem, super hoc ordine judicario pote ritis experiri. Preterea de verberacione tributarij ipsius Monasterii nostri, quem enormiter verberari fecisse dicimini, quod non credimus, eidem faciatis exhiberi congruam satiafaccionem et omnimodam. Aliud sicut nostram graciam charam habetis, non facturi, ne nobis de huiusmodi amplius querimonia dicti Connentus porrigatur. Religionis enim humilitas et vestre virtus paciencie id requirit, quod non per violenciam, sed iuris observanciam ius vestrum et vestre Ecclesie requiratis, cum restringenda sit sub racione potestas; maxime vbi debet Maiestas Regia reuereri. Datum in Fyzegtu in festo Sancti Demetrii.

(Eredetie a sz. mártoni főapátság levéltárában.)