Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex omnibus Christi fidelibus presencium inspectoribus salutem in salutis largitore. Ad vniuersorum noticiam harum serie volumus peruenire, quod accedens ad nostram presenciam Bonifacius Abbas Sancti Martini de Sacro Monte Pannonie exhibuit nobis duo priuilegia Capituli Jauriensis, vnum super facto terre Vrunkang, aliud super factis terrarum Renka et Asuan vocatarum confecta, petens a nobis humiliter, vt eadem priuilegio nostro dignaremur confirmare. Quorum siquidem privilegiorum tenor talis est:

Capitulum Ecclesie Jauriensis stb. (Lásd a győri káptalan 1245-ki okmányát okmánytárunk II. kötetében, 254. l.)

Vniuersitas Capituli Geuriensis stb. (Lásd a győri káptalan 1216-ki okmányát okmánytárunk I. kötetében, 139. l)

Nos itaque peticionibus predicti Abbatis Sancti Martini Regio inclinati cum fauore dicta duo priuilegia Capituli Jauriensis presentibus inserta auctoritate presencium duximus confirmanda. In cuius rei memoriam presentes eidem concessimus sigilli nostri duplicis munimine roboratas. Datum per manus magistri Farkasij Albensis Ecclesie Prepositi aule nostre Vice-Cancellarii dilecti et fidelis nostri, anno Domini M°. CC°. LX°. sexto, Regni autem nostri anno tricesimo primo.

(Eredetie a sz. mártoni főapátság levéltárában.)