Forsitan non latet Vestram dilectionem adversitas injuriosa, quam sustinet carissimus dominus et pater noster atque vester B(ela) inclytus Vngarorum Rex, cujus dolor multiplex est, quia in aetate utique jam matura, ubi quiescere deberet, sublevatus baculo senectutis, de solio suo pellitur fraudatur suis fidelibus, quorum perplures caesi subcubuerunt, Majestatis suae justiciam defendentes. Et ecce quia tacti doloris sui amaritudine, quam ut dignum est propter justitiam veri patris et domini reputamus propriam, una cum dilecto domino et marito nostro carissimo scribimus, hortamur et supplicamus Dilectioni Vestrae, quatenus compatientes insolitis 162et injustis serenissimi domini et patris vestri ac nostri dolorum persecutionihus, inducere monitis, persuasionibus atque cousiliis maritum vestrum dignemini ad succurrendum in forti brachio et armato contra temeritatem filii, paternae gloriae titulum iufirmantis; maxime cum dilectus dominus et maritus noster carissimus non parcendo personis, laboribus aut expensis, id ipsum faciendo omnes vires suas fideliter exponere sit paratus.

(Palacky Ferencz; Über Formelbücher. A cseh tudós társaság értekezéseiben, ötödik folyam II. köt. Prága 1842. 279. l.)