Bela Dei gracia Hungarie, Dalmacie, Croacie, Rame, Gallicie, Lodomerie, Cumanieque Rex omnibus, tam presentibus, quam futuris, salutem in Domino. Ad vniuersorum noticiam tenore presencium volumus peruenire, quod licet iura vduornicorum nostrorum de Vduornuk, arundinetum videlicet Saae uocatum, pratum et piscaturam, que per examen duelli ijdem vduornici nostri de Vduornuk coram H. Palatino, Comite Posoniensi de vduornicis nostris de quinque villis Ethey obtinuerant, prout per priuilegium eiusdem H. Palatini patet, obtinuerant, vduornicis nostris de quinque villis Ethey contulerimus; post cause tamen cognicionem, et inspecta rei certitudine, dicta iura, arundinetum videlicet, pratum et piscaturam dictis vduornicis nostris de Vduornuc, ad quos prius pertinebant, restituenda duximus et reddenda, reuocantes et irritas pronunciantes omnes litteras nostras et priuilegia, auctoritate quarum vduornici nostri de dictis quinque villis Ethey arundinetum, pratum et piscaturam possidebant. In cuius rei memoriam pleniorem et maiorem firmitatem, ne processu temporum in irritum ualeat retractari, presentes concessimus litterras duplicis sigilli nostri munimine roboratas. Datum per manus magistri Demetrij Electi Ecclesie Albensis, aule nostre ViceCancellarij, dilecti et fidelis nostri. Anno Domini 1268. Regni autem nostri anno tricesimo tercio.

(Eredetie a Kondé család levéltárában. Knauz Nándor.)