Clemens Episcopus etc. venerabili fratri ... Archiepis copo Jadrensi salutem etc. Ex tenore litterarum, quas dilecti filii ... Abbas et Monachi Monasterii Sanctorum Cosme et Damiani de Monte Jadrensi, Ordinis Sancti Benedicti, nobis destinare curarunt, accepimus, quod Monasterium ipsum per incuriam et malitiam degentium in eodem adeo in spiritualibus et temporalibus est collapsum, ut nulla spes penitus habeatur, quod de suo possit ordine reformari. Quare humiliter per easdem litteras postulabant a nobis, ut Monasterium ipsum cum suis membris de Cisterciensi reformari Ordine faceremus. Nos itaque de tua circumspectione confisi, fraternitati tue per Apostolica scripta mandamus, quatenus, si est ita, cum ab eisdem Abbate et Monachis super hoc fueris requisitus, dictum Monasterium cum membris eisdem, si Capituli tui ad hoc accedat assensus, de predicto Cistercienai ordine auctoritate nostra reformans, illud Monasterio de Topliza eiusdem Cisterciensis Ordinis Zagrabiensis Diocesis, si videris expedire, submittas. Cuntradictores etc. Non obstante, si aliquibus a Sede Apostolica sit indultum, quod suspendi vel interdici aut excommunicari non possint per litteras dicte Sedis facientes plenam et expressam de indulto huiusmodi mentionem. Datum Viterbii Idibus Junii. (Pontificatus nostri) anno IIII.

(IV. Kelemen pápa Regestáiból, Theiner id. m. 1. k. 293. l.)