Laurencius Palatinus et Comes Symigiensis universis Christi fidelibus presencium noticiam habituris salutem in Domino. Ad universitatis uestre noticiam tenore presencium uolumus peruenire, quod cum nos dominus noster Illustris Bela Rex Hungarie ad revocandas terras ac alia iura nobilium per udvornicos, castrenses, et populos domine Regine ac alios cuiuslibet condicionis homines occupata ad Comitatum Symigiensem transmisisset, et quinque homines de nobilibus ipsina, comitatus electos per omnes nobiles de eodem Comitatu, Jobannem scilicet Comitem filium Isyp, Cosmam de Kuazna, Stephanum filium Deers, Gregorium filium Iharus, et Thomam filium Mortun de Wislov nobis in socios deputasset, et ijdem quinque nobiles socij nostri iureiurando tacto sancto et uiuifice Crucis ligno Domini, domino Regi promisisent, quod non aliud nisi iura nobilium indebite per condicionarios occupata restituerent, et eciam secundario nobis tactis sacrosantis reliquijs et evangelio supra filios filiorum iurassent illud idem, et recepta tali caucione processissemus ad preceptum domini supradictum; Grab filius Benedicti de genere (Ratho)lt (?) de populis domine Regine de villa Kethyl quandam particulam terre sue hereditarie, quam de terra sua La(apa) vocata receptam et violenter occupatam esse dicebat coram nobis et coram coniudicibus nostris predictis, petivit per formam inquisiciouis sibi reddi. Verum turc nos ad ipsarc inquisicionem processissemus, scivimus veraciter, dictam particulam terre fuisse de iure hereditario Grab antedicti; ad maiorem tamen cautelam ipsum Grab super predicta particula terre personaliter constitutum ad personam suam et ad filios filiorum suorum iurare fecimus orribili iuramento 187super eo, quod illa particula terre, quam reambulauit, fuerit ipsina hereditaria, et per dictos populos domine Regine indebite occupata. Cum itaque diligentissima inquisicione facta, et recepta iuramentaria cautione, ut prediximus, inuenissemus, dictam particulam terre de iure hereditario fuisse Grab antedicti, eandem ipsi Grab exclusis populis domine Regine de eadem restituimus hereditario iure perpetuo possidendam, et metas, sub quibus idem ipsam particulam terre possidere debeat, fecimus eleuari. Mete autem hoc ordine distinguntur: Prima meta incipit a parte meridionali iuxta terminos terre Thome filij Thome iuxta quandam viam, ubi sunt mete; de inde vadit in eadem via versus septemtrionem et veniet ad duas metas terreas; de inde adhuc vadit versus septemptrionem ad finem unius silve, ubi sunt mete terree; de inde adhuc versus septemtrionem eundo descendit ad caput unius vallis, ubi sunt tres mete, et ibi coniungitur silve ipsius Grah, et sic terminantur. Iu cuius rei memoriam et perpetuam firmitatem presentes concessimus litteras sigilli nostri et sigillorum sociorum nostrorum munimine roboratas. Datum per manus magistri Sebastiani Cantoris de Posoga, et Canonici Albensis, Protonotarij nostri. Amo Domini millesimo ducentesimo sexagesimo octavo.

Jegyzet. Eredetie bőrhártya, mellynek alúl fölhajtott hasadékaiból hat pecsét függöt, de elenyészett. Másolta Horvát István. Érdy.